Ուղեցույց՝ ի պաշտպանություն բուժաշխատողի և հիվանդի

«Մարդու իրավունքները բժշկական օգնություն և սպասարկում ստանալիս» գործնական ուղեցույցը հնարավորություն է ընձեռում տեղեկանալ թե որ իրավգական կառուցակարգերը կարող են օգտագործվել պացիենտի բուժման և խնամքի հետ կարված չարաշահումները վերացնելու համար:

Միջազգային փորձագիտական խմբի մեկ տարվա աշխատանքի արդյունք հանդիսացող ձեռնարկը նախատեսված է իրավաբանների համար, սակայն կարող է օգտակար լինել նաև բժիշկների, հանրային առողջապահության ոլո՚տի ղեկավար անձանց և այլ մասնագետների համար: Այն ներկայացնում է մարդու իրավունքները կարգավորող ինչպես միջազգային, այնպես էլ տարածաշրջանային օրենսդրական հիմունքնրը: Անդրադարձ կա նաև հայաստանյան առանձնահատկություններին: Բացի տեսական մասից, ձեռնարկն ունի նաև կոնկրետ օրինակներով հիմնավորված գործնեկան մաս և ուղեկցող կայքեր՝ www.health-rights.org եւ www.healthrights.am:

«Բավական մանրակրկիտ ուսումնասիրության արդյունք է այս ձեռնարկը: Հույս ունենք, որ մասնագետների ձեռքում այն կդառնա բժիշկ-պացիենտ հարաբերման որակի բարձրացման և երկկողմանի ապահովության հիմք»,- նշեց ՀՀ առողջապահության նախարարության իրավական բաժնի պետ Սուրեն Քրմոյանը: