|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Բենիկ Պետրոսյանի ազգային արժեք ներկայացնող ստեղծագործական ժառանգության պահպանման պատշաճ ցուցադրման և սերունդներին փոխանցելու խնդրի լուծումը կարիք ունի Պետական հոգածության և հովանավորչության:
Այս հայտարարությանը, Նկարիչների միությունում բացված քանդակագործի ծննդյան 70-ամյակին նվիրված ցուցահանդեսի բացումից 10 րոպե անց, ստորագրությամբ միացան 50 մարդ: Թիվն այս, վստահաբար, հարյուրապատիկից էլ ավել կլինի ժամեր անց, առավել ևս դեկտեմբերի 6-ին՝ ցուցահանդեսի փակման օրը: Ստորագրահավաքը, որ կազմակեպել է քանդակագործի ընտանիքը, առավել կհիմնավորի տասնամյակից ավել ձգվող Բենիկ Պետրոսյանի թանգարանի ստեղծման խնդրին շուտափույթ լուծում տալու անհրաժեշտությունը:
Այսօր քանդակագործի ստեղծագործական ժառանգությունը մեծապես վտանգված է, քանի որ պահպանման հարցերը հոգում է միայն ընտանիքը, որի ջանքերը միայն բավական չեն դրանք մեր սերունդներին ներկայացնելու համար:
Բենիկ Պետրոսյանի ընտանիքը համապատասխան խնդրանքով ևս մեկ անգամ գրավոր դիմել է իշխանություններին: