Եթե Եվրոպան պատերազմ սկսի, Ռուսաստանը պատրաստ է դրան. Ռյաբկով

Ռուսաստանը ոչ մեկին չի սպառնում և մտադիր չէ հարձակվել որևէ երկրի վրա։ Այս մասին հայտարարել է Ռուսաստանի արտաքին գործերի նախարարի տեղակալ Սերգեյ Ռյաբկովը։

«Եվրոպան պատրաստվում է պատերազմի, և եթե այն սկսի, Ռուսաստանը պատրաստ է դրան»,-նշել է ՌԴ ԱԳ նախարարի տեղակալը՝ հավելելով, որ Մոսկվան արձանագրում է Բալթիկ ծովում ՆԱՏՕ-ի չարամիտ գործողությունների ակտիվության աճ։

Նրա պնդմամբ՝ միջազգային իրավունքի նորմերի խախտմամբ խոչընդոտներ են ստեղծվում ռուսական նավագնացության համար։

«Արևմտյան երկրները փորձում են ձգձգել ռուս-ուկրաինական հակամարտությունը՝ Ռուսաստանի հետ հնարավոր բախման նախապատրաստվելու նպատակով»,- հայտարարել է Ռյաբկովը։