«Որոշեցին ինձ՝ որպես Գագիկ Ծառուկյանի պաշտպան, հեռացնել վարույթից, սա ապօրինության գագաթնակետն է». Երեմ Սարգսյան

«Հրավիրվել էինք, որպեսզի իրանցիների հետ առերեսումը շարունակեինք, բայց մեր իրավապահ համակարգը չի դադարում զարմացնել՝ իր ֆանտազիաներով, ապօրինությունների մակարդակով»,- քննչականի բակում, լրագրողների հետ զրույցում, ասաց Գագիկ Ծառուկյանի փաստաբան Երեմ Սարգսյանը՝ հավելելով. «Առերեսումը սկսելուց առաջ որոշեցին ինձ հեռացնել վարույթից, այսինքն՝ թույլ չեն տալիս հանդիսանամ Ծառուկյանի պաշտպանը, որովհետև Իրանի քաղաքացին ցուցմունք է տվել, որ ես ևս ներկա եմ եղել իրենց ընդհանուր հանդիպումներին ու դիտարկել են, որ կարող եմ գործի վերաբերյալ տվյալ ունենալ և որպես վկայի կարգավիճակում հարցաքննվել: Սա ապօրինության գագաթնակետն է»:

Նրա խոսքով՝ վախից են իրեն հեռացրել վարույթից. «Էն ապօրինությունները, որ իրենք կատարում էին, երեկ ուղղակի ջախջախել ենք»: