Պուտինը չեղարկել է Թուրքիայի նկատմամբ սահմանված տնտեսական պատժամիջոցների մի մասը

ՌԴ նախագահ Վլադիմիր Պուտինը Թուրքիայի նկատմամբ մի շարք տնտեսական պատժամիջոցներ չեղարկելու մասին հրամանագիր է ստորագրել: Այդ մասին հայտնում է Կրեմլի մամուլի ծառայությունը:

Պուտինը հանել է թուրք աշխատակիցներին վարձելու սահմանափակումները, որոնք գործում էին Ռուսաստանում, ինչպես նաև տարբեր ոլորտներում թուրքական ընկերությունների աշխատանքի սահմանափակումները:

Նա հանձնարարել է ԱԳՆ-ին` տեղեկացնել Անկարային քաղաքացիների փոխադարձ ուղևորությունների պայմանների վերաբերյալ համաձայնագիրը մասամբ վերականգնելու մասին: Նախագահը նաև ընդլայնել է  թուրք քաղաքացիների ցուցակը, ովքեր կարող են առանց վիզայի այցելել Ռուսաստան: