Դեմ եմ՝ իմ ձայնով ընտրված ընդդիմադիր պաշտոնյաներն աջակցություն հայտնեն դավաճաններին․ ակնկալում եմ «Ապրելու երկիր»-ից հստակ գործողություններ․ Հոխիկյան

Հասարակական-քաղաքական գործիչ Նաիրի Հոխիկյանը գրում է. «2025թ․ մարտի 30-ին Արմավիրի մարզի Փարաքար համայնքի բնակիչները իրենց ձայները տվեցին ընդդիմադիր «Ապրելու երկիր» կուսակցությանը՝ Վալոդյա Գրիգորյանի գլխավորած դաշինքով։ ՔՊ-ն մերժվեց Փարաքարի բնակիչների կողմից, իսկ համայնքը սկսեցին ղեկավարել ընդդիմության կողմից մանդատ ստացած պաշտոնյաները։

Հիմա «Ապրելու երկիր» կուսակցությունը միացել է «Ուժեղ Հայաստան» դաշինքին և հունիսի 7-ի խորհրդարանական ընտրություններին ևս գնում է ընդդիմադիր դիրքերից, բայց «Ապրելու երկիր»-ի մանդատով պաշտոն ստացած Փարաքարի մի շարք գյուղերի վարչական ղեկավարներ իրենց աջակցությունը հայտնել են Նիկոլ Փաշինյանին ու ՔՊ-ին։

Փարաքարի 21,000 բնակիչներից մեկն էլ ես եմ, ով իր ձայնը տվել է ընդդիմադիր «Ապրելու երկիր»-ին։ Ես դեմ եմ, որ նաև իմ ձայնով ընտրված ընդդիմադիր պաշտոնյաները աջակցություն հայտնեն դավաճաններին ու թուրքասեր թալանչիներին։ Հետևաբար՝ ակնկալում եմ «Ապրելու երկիր»-ից հստակ գործողություններ կանոնները և սկզբունքները խախտած գյուղապետերի նկատմամբ»։