Ընդդիմադիր հատվածի համախմբմամբ՝ ունենալու ենք սահմանադրական մեծամասնություն. այս ընտրություններով փոխվելու է իշխանությունը. Արծվիկ Մինասյան

Հունիսի 7-ին կայանալիք խորհրդարանական ընտրություններին մասնակցելու համար ԿԸՀ առաջադրման հայտ ներկայացրեց «Հայաստան» դաշինքը։ Դաշինքի ընտրական ցուցակում  ընդգրկված է 213 անձ՝ 72 կին, 141 տղամարդ։  Ցուցակը ԿԸՀ ներկայացնելուց հետո դաշինքի անդամ Արծվիկ Մինասյանն ասաց, որ իրենք ընտրություններին մասնակցում են հաղթելու ակնկալիքով։ 

«Մենք մտադիր ենք ընդդիմադիր դաշտի համախմբումով ունենալ մեծամասնություն և հասարակությունն այդ վստահությունը ներշնչում է  մեզ։ Մեր շփումները, այդ ընթացքում մեր գործունեությունը, մարդկանց հետ աշխատանքը տալիս է վստահություն, որ այս ընտրություններով փոփոխվելու է  իշխանությունը, և ընդդիմադիր դաշտը պետք է այս խնդիրն իր առաջ ունենալով՝ գնա համագործակցության հետընտրական շրջափուլում»,- ասաց Արծվիկ Մինասյանը։ 

Մանրամասն՝ տեսանյութում։ 
ԿԸՀ ընտրություններին մասնակցության հայտեր ներկայացնելու գործընթացն ամբողջությամբ՝ տեսանյութում