Ուրախ եմ, որ դեռ վախեր ունես ինձնից և իմ ժողովրդից. Բագրատ Սրբազանը՝ Փաշինյանին

«Ես՝ բանտում, դու՝ ոչ,  բայց ես՝ ազատ, իսկ դու՝ ոչ»,- մեկուսարանից գրել է Բագրատ Սրբազանը՝ անդրադառնալով Եվրոպական Խորհրդարանում Նիկոլ Փաշինյանի հայտարարությանը։ 

«Կարդացի Եվրոպական Խորհրդարանում շնչած ինքնադրսևորումդ։

Ավելին սպասելի չէր…

Ուրախ եմ, որ դեռ վախեր ունես ինձնից և իմ ժողովրդից, որոնք դարձյալ փորձում ես փարատել էությունիցդ անպակաս ստախոսությամբ…

Ես՝ բանտում, դու՝ ոչ, 
բայց ես՝ ազատ, իսկ դու՝ ոչ, որովհետև ՃՇՄԱՐՏՈՒԹՅՈՒՆԸ ԱԶԱՏԱՐԱՐ Է…

Սկզբում ցանկացա մանրամասն պատասխանել, բայց հետևելով մեր Տիրոջ օրինակին, շատ կուզեի ասել. «Ետիս գնա’, սատանայ» (Մատթ. Դ։10), բայց դա էլ եմ քեզ շատ համարում… 

Ավելի լավ է «Մենք ենք, մեր սարերի» Զավենին հղում կատարեմ. «…որովհետև տգետ ես»։

Իսկ ավելի լուրջ ոչ թե քեզ, այլ ամբողջ ելույթին ավելի ուշ կանդրադառնամ։

Աստված օրհնի Հայաստանս, Արցախս և մեր հաղթանակը…

Հայրենիքի կալանավոր
Բագրատ արք. Գալստանյան
13.03.2026»,- գրել է Բագրատ Սրբազանը։