Բա Թուրքիայից վախեր չունե՞ք․ Անահիտին անոնսում են մարդիկ, ովքեր նողկում են ամենայն հայկականից․ Լիլիթ Գալստյան

Անգամ անհարմար է այս աղետալի օրերին անդրադառնալ թեմային՝ թե վերջապե՜՜՜՜՜՜ս 2024-ի սեպտեմբերին Հայաստանում ցուցադրվելու է Բրիտանական թանգարանում պահվող «Անահիտ դիցուհու» արձանը։ Այս մասին գրում է ՀՅԴ Հայաստանի ԳՄ անդամ, ԱԺ «Հայաստան» խմբակցության պատգամավոր Լիլիթ Գալստյանը։

«Նախ տարակուսելի է և անբնական, որ այն անոնսում են մարդիկ, ովքեր բջիջի մակարդակով նողկում են ամենայն հայկականից ու իրենց չգիտելիքների տիրույթում մեկնաբանում և եղծում են ՀՀ օրհներգը, ՀՀ զինանշանն ու մեր ինքնությունն առհասարակ՝ Մատենադարանից մինչև պատնության դասագրքեր։

Մարդիկ և իշխանություններ, ովքեր Թուրքիայի և Ադրբեջանի քաղաքական պատվերով և կամքով փորձում են Հայ ժողովրդի հազարամյակների պատմությունն ու քաղաքակրթական անուրանալի ներկայությունը խոթել 28.900քառկմ-ի մեջ․․․

Մարդիկ, ում համար անգամ Արարատ Սրբազան լեռն է վախի ու կասկածի առարկա․․․

Մարդիկ և իշխանություններ, ովքեր ուրացան հազարամյակների անառիկ Արցախը, մեր Անկախության երթը․․․

Ի դեպ, Բրիտանական թանգարանում The Satala Aphrodite

/Սաթալայի Աֆրոդիտեն/ անվան տակ պահվող, հաշվառված Աֆրոդիտեի կամ Արտեմիսի պատկերով Անահիտ դիցուհու բրոնզե գլուխը/Bronze head from a cult statue of Anahita in the guise of Aphrodite or Artemis. / Տիգրան Մեծի Աշխարհակալության մեջ մտնող պատմական Փոքր Հայկի տարածքներից է։ ներկայիս Black Sea Region (Turkey): Gümüşhane (province):

Բա Թուրքիայից վախեր չունե՞ք․․․․ Տիգրան Մեծ, Փոքր Հայք, ՄԹԱ․․․

Իսկ գո՞ւցե էժանագին PR-ով տեղեկատվական աղմուկ եք ստեղծում, խլացնում օրհասական օրակարգերը, երկրում ծաղկող կոռուպցիան, փլուզվող Հայաստանի ճիչը․․․

PR և սուտ, այստեղ դուք անգերազանցելի եք․․․

Սնուպ Դոգի համար էլ էիք ԱՎԵՏԻՍ հնչեցնում․․․

Ամո՛թ է, ամո՛թ․․․․սա պետության մասին չէ․․․դուք ադեկվատ/համարժեք/ չեք պետության գահավիժմանը․․․»: