ԱՄՆ-ն կզղջա. Արաղչին՝ Շրի Լանկայի ափերի մոտ իրանական ռազմանավին հարվածելու մասին

Իրանի արտաքին գործերի նախարար Աբաս Արաղչին հայտարարել է, որ ԱՄՆ-ն վտանգավոր նախադեպ է ստեղծել՝ հարձակվելով իրանական ռազմանավի վրա Իրանի ափերից 2 հազար մղոն հեռավորության վրա։

««Dena» ռազմանավը, որում շուրջ 130 նավաստի կար, հարձակման է ենթարկվել միջազգային ջրերում՝ առանց նախազգուշացման։ Հիշե՛ք իմ խոսքերը. ԱՄՆ-ն դառնորեն կզղջա իր ստեղծած նախադեպի համար»,-սոցիալական ցանցերում գրել է նախարարը։

Արաղչին ԱՄՆ-ի գործողություններն անվանել է «գազանություն»։

Իրանական «IRIS Dena» ռազմանավը, որում անձնակազմի մոտ 180 անդամ կար, խորտակվել է Շրի Լանկայից մոտ 40 կմ դեպի հարավ՝ ամերիկյան սուզանավի հարձակման հետևանքով։