Շրի Լանկայի ոստիկանությունը ձերբակալել է 7` մահապարտ դառնալ պատրաստվող գրոհայինների

Շրի Լանկայի ոստիկանությունը ձերբակալել է 7` մահապարտ դառնալ պատրաստվող գրոհայինների: Այս մասին տեղեկացնում է Daily Mail-ը՝ վկայակոչելով երկրի ոստիկանությունում աշխատող աղբյուրի խոսքերը:

Ըստ տեղեկատվության` ձերբակալվածներն «Ազգային միասնություն» ծայրահեղական խմբավորման մասնակիցներ են, այն կապ ունի «Իսլամական պետություն» ահաբեկչական խմբավորման հետ: Նրանք երկար ժամանակ զենք և պայթուցիկ սարքեր գործածելու դասընթացներ են անցել:

Լրատվամիջոցը տեղեկացնում է նաև, որ այս պահին տեղի իրավապահ մարմինները փորձում են հասկանալ, թե ձերբակալված ծայրահեղականները որևէ առնչություն ունե՞ն Շրի Լանկայում Զատիկի օրը տեղի ունեցած ահաբեկչություններին:

Հիշեցնենք, որ ապրիլի 21-ին Շրի Լանկայի տարբեր եկեղեցիներում ու հյուրանոցներում որոտացած մի շարք պայթյունների հետևանքով գրեթե 300 մարդ էր զոհվել: