#SutNikol նախաձեռնության անդամներն ազատ են արձակվել

Քիչ առաջ #SutNikol նախաձեռնության անդամներն ազատ են արձակվել. հայտնում է antifake.am-ը:

Ավելի վաղ հայտնել ենք, որ նախաձեռնության համակարգողներ Նարեկ Սամսոնյանը, Արթուր Դանիելյանը և Կոնստանտին Տեր-Նակալյանը բերման էին ենթարկվել ոստիկանության Կենտրոնի բաժին։ Վաղ առավոտից նրանք ակցիա էին իրականացնում Երևանի փողոցներում՝ #SutNikol գրաֆիտիներով պատելով քաղաքը։ Նրանք եղել են Հյուսիսային պողոտայում, Աբովյան, Ամիրյան փողոցներում և Հանրապետության հրապարակում: Ոստիկանության Կենտրոնի բաժին են բերվել նաև նախաձեռնության անդամներ Վրեժ Սարգսյանը, Իշխան Խոսրովյանը, ինչպես նաև ուղիղ եթերն ապահովող օպերատորը: