Կալասը թվարկել է այն չորս երկրների անունները, որոնք մինչև 2030 թվականը կարող են անդամակցել ԵՄ-ին

Եվրամիությանը մինչև 2030 թվականը միանալու հավանական թեկնածու երկրների ցանկն արդեն կա։ Այդ երկրներն ընդամենը 4-ն են՝ Ուկրաինա, Մոլդովա, Ալբանիա և Չեռնոգորիա։ Այս մասին Բրյուսելում կայացած ճեպազրույցի ժամանակ հայտարարել է Եվրամիության դիվանագիտական ծառայության ղեկավար Կայա Կալասը։ Նրա խոսքով՝ Ուկրաինայի համար ԵՄ-ին անդամակցությունը պետք է դառնա կարևոր անվտանգության երաշխիք։

Իր հերթին, ԵՄ ընդլայնման հարցերով հանձնակատար Մարթա Կոսը նույն մամուլի ասուլիսում հայտարարել է, որ Եվրոպական հանձնաժողովը աջակցում է Չեռնոգորիայի՝ ԵՄ անդամակցության բանակցությունների ավարտին հասցնելուն մինչև 2026 թվականը, Ալբանիայինը՝ մինչև 2027 թվականը, իսկ Ուկրաինային և Մոլդովային՝ մինչև 2028 թվականը։