Ցուցմունքից երևաց, որ վկան լավ էլ ախպերություն է անում Քոքոբելյանի հետ. Սուրեն Մանուկյանը դատարանին միջնորդեց ապահովել` վկային հարց տալու՝ իր իրավունքը

Տավուշի մարզի առաջին ատյանի ընդհանուր իրավասության դատարանում ընթանում է Սուրեն Մանուկյանի և մյուսների գործով դատական նիստը։ Այս փուլում դատարանն ուսումնասիրում է  հետազոտման ենթակա ապացույցները։ Հանրային մեղադրողի կողմից ներկայացված տեսագրությունից հետո Սուրեն Մանուկյանը դատարանին խնդրեց ապահովել վկային հարցեր տալու՝ իր  իրավունքը։

Հիշեցնենք, որ դեռևս 2022 թ. օգոստոսի 11-ից քրեական գործ էր հարուցվել և քրեական հետապնդում էր սկսվել ՀՅԴ անդամ, 6-րդ գումարման ԱԺ պատգամավոր Սուրեն Մանուկյանի նկատմամբ: Վերջինս մեղադրվում է խմբի կազմում «Ազատ դեմոկրատներ» կուսակցության նախագահ Խաչատուր Քոքոբելյանի հորը ենթադրաբար առևանգելու և նրա որդիներից առանձնապես խոշոր չափերի գումար ենթադրաբար շորթելու մեջ։