Ուսանողների մտահոգությունների կենտրոնում Արցախյան հիմնախնդիրն էր և ՀՀ-ի անվտանգության միջավայրը․ Սեյրան Օհանյան

Սեպտեմբերի 24-ին Ազգային ժողովում հանդիպել եմ Հայաստանի Եվրոպական համալսարանի իրավագիտության ֆակուլտետի ուսանողների հետ, ովքեր դիմել էին՝ ՀՀ օրենսդիր մարմնում օրենսդրական ընթացիկ նախաձեռնությունների և Հայաստանի իրավական համակարգի, արտաքին և ներքին քաղաքականության զարգացման հեռանկարների մասին քննարկում կազմակերպելու, ինչպես նաև իրենց հուզող հարցերն ինձ ուղղելու նպատակով։ Այս մասին հայտնում է ՀՀ ԱԺ պատգամավոր Սեյրան Օհանյանը։

«Ուսանողների հարցերը համարձակ էին, տրամաբանված և խոր։ Նրանց մտահոգությունների կենտրոնում Արցախյան հիմնախնդիրն էր, Հայաստանի անվտանգության միջավայրը։

Նման հանդիպումները կարևոր են և լրացնում են ուսանողների պատկերացումները, գիտելիքները տարբեր ուղղություններով՝ խթանելով նրանց հետագա ներգրավվածությունը պետության կառավարման գործընթացներում»: