Մուրճը վերցրած քանդում է պետականությունը․ հենց էդ սիմվոլների դեմ պայքարով էլ իր գերեզմանը փորելու ա․ Գառնիկ Դանիելյան

«Փաշինյանը մուրճը վերցրած քանդում է պետականության հիմքերը․ էն երեխայի արցունքի համար, որ Եռաբլուրում հոր նկարը գրկած հրաշքի է սպասում, պետք է պատասխան տա։ Մի անգամ էժան ներկայացում խաղացել է ու տեսել ենք ծնկի գալուց հետո ինչ է եղել»,-դատարանի բակում լրագրողների հետ զրույցում ասաց «Հայաստան» խմբակցության պատգամավոր Գառնիկ Դանիելյանը։

Նշենք, որ Երևանի առաջին ատյանի ընդհանուր իրավասության քրեական դատարանում ընթանում է Շիրակի թեմի առաջնորդ Միքայել արքեպիսկոպոս Աջապահյանի գործով հերթական դատական նիստը։ Այս նիստի ընթացքում դատարանը լսելու է պաշտպանների և Միքայել Սրբազանի խոսքը (ռեպլիկները և վերջին խոսքը) և հեռանալու է վերդիկտ կայացնելու:

Նրա խոսքով Միքայել Սրբազանը չպետք է դատարանում լիներ, փոխարենը պետք է պատասխանատվություն կրեր Նիկոլ Փաշինյանը․  «Հենց նույն սիմվոլների դեմ պայաքարով է իր գերեզմանը փորելու, ինչքան ասի՝ Արարատ, Արարատ, այդքան Արարարտ լեռը սիրողները շատանալու են»։

Գառնիկ Դանիելյանի խոսքով՝ Նիկոլի դեմ պայքարը համազգային պետք է լինի, դա ոչ թե իշխանության-ընդդիմության պայքար է, այլև՝ ՀՀ-ի լինել-չլինելու հրատապ հարցն է։