Բանակը փորձադաշտ չէ, որ այս կամ այն քմահաճույքը փորձարկեն, արտավոր բարքերն օրինականացնում են․ Տիգրան Աբրահամյան

 ԶՈՒ-երում համալրման, մասնագիտական պատրաստության և բարոյահոգեբանական խնդիրների համատեքստում որպես լուծում՝ գումարային փոխհատուցմամբ ծառայության կրճատում սահմանելը դուրս է բոլոր տրամաբանական մոտեցումներից։ Սոցիալական արդարությունից՝ մինչև արդարության կոպտագույն խախտումներ, որոնք արտահայտվում են իշխանության առաջ քաշած նախաձեռնությամբ՝ գալիս են լրացնելու առանց այն էլ հասարակության մեջ տեղ գտած «սևերի-սպիտակների» հակադրություններում։ Այն կառավարությունը, որի համար հերոսը ոչ թե հայրենիքի պաշտպանության համար զինվորագրված մարդն է, այլ՝ հարկ վճարողը՝ արդեն իսկ ջախջախել է ԶՈՒ-երի գաղափարական ողնաշարը։ Այս մասին ԱԺ-ում հայտարարեց «Պատիվ ունեմ» խմբակցության քարտուղար Տիգրան Աբրահամյանը։

«Բանակի հիմնական սյուներից մեկը՝ պարտադիր ժամկետային ծառայությունն, այս աստիճանի խեղաթյուրելն ազգային անվտանգության սպառնալիք է պարունակում։ Բանակը փորձադաշտ չէ։ Այստեղ կան սկզբունքներ, որոնք անքակտելի են, հատկապես, որ մեր շուրջ ռազմաքաղաքական իրադրությունն էականորեն չի փոխվել և այս փոփոխությունը մեզ առավել խոցելի է դարձնելու»,- ասաց նա։

Մանրամասն՝ տեսանյութում։