Բանակը վերականգնելու հնարավորություն կա, բայց առանց այս իշխանության հեռացման ԶՈՒ-ում լուրջ խնդիր չի լուծվի․ Տիգրան Աբրահամյան

«Ադրբեջանի նպատակները ոչ միայն ուղղված են եղել բանակցային գործընթացում առավելություն ապահովելուն, կամ Հայաստանի հետ շանտաժի լեզվով խոսելուն, այլ 2020-23 թթ. ժամանակահատվածում հնարավորություն է  ստացել բավականին լուրջ առավելություն ստանալ ռազմավարական առումով»,- «Սրբազան պայքար» շարժման  կազմակերպած «Դեպի կայուն և երկարարաժամկետ խաղաղություն» խորագրով պանելային քննարկմանն ասաց «Պատիվ ունեմ» խմբակցության պատգամավոր Տիգրան Աբրահամյանը։

Նա նշեց, որ բոլոր այն ուղղություններոով՝ Սյունիք, Գեղարքունիք, Վայոց ձոր, որտեղ եղել է  ագրեսիա, առաջխաղացում, օկուպացիա, դրանք ունեցել են կոնկրետ նպատակներ՝ վերահսկողություն ստանալ ՀՀ կարևոր կոմունիկացիաների, ենթակառուցվածքների նկատմամբ, դիտարկման տակ առնել այն կարևոր հանգույցները, որոնք Հայաստանի համար ապահովում են երկրի անվտանգությունը կենսունակությունը։

«Սա ոչ միայն զուտ ֆիզիկական առումով կոնկրետ տարածքների նկատմամբ օկուպացիա է, կոնկրետ Հայաստանի կենսունակությունն ուղղված բավականին ծանր հարվածներ, որոնք այսօր էլ բոլոր առուներով՝ սկսած մարտական հերթապահության իրականացումից մինչև հետագա ռազմական հնարավոր  գործողություններ, չափազանց ծանր իրավիճակ են ստեղծելու Հայաստանի հաար։ Այսինքն, Հայաստանի իշխանությունն անվտանգային առումով իր զիջողական քաղաքականությամբ ստեղծել է իրավիճակ, որի պայմաններում Հայաստանի բոլոր հաջորդիվ իշխանություններն ունենալու են ծանր իրավիճակ ռազմական տեսանկյունից, Ադրբեջանը որևէ պահական ուղղությամբ հարձակում, առաջխաղացում չի իրականացրել հատկապես վերջին երեք տարիներին»,- ասաց Տիգրան Աբրահամյանը։

Մանրամասն՝ տեսանյութում։