Ժաննա Շինարարը ձախողել է բուհերի այս տարվա ընդունելության գործընթացը

Ըստ dimord.am կայքի՝ ապրիլի 15-ից Գնահատման և թեստավորման կենտրոնը սկսում է 2025 թվականի դիմորդների՝ բուհերի ընդունելության համար բուհի և մասնագիտության ընտրության և ընտրած մասնագիտության համար սահմանված միասնական և ներբուհական քննությունների հայտագրման գործընթացը:

Yerkir.am-ը նկատեց, որ այսօր ապրիլի 18-ն է, և արդեն 4 օր է, ինչ չի աշխատում նշված կայքի տվյալ բաժինները: 

Դիմորդները հնարավորություն  չունեն հետևել անգամ շարժին:

Սակայն ամենազավեշտալին այն է, որ կառավարությունը երեկ՝ ապրիլի 17-ին, այսինքն հայտագրման գործընթացը սկսելուց 3 օր հետո է հաստատել ընդունելության տեղերը:

Այս ձախողման համար նորմալ երկրներում կրթության նախարարը թերևս պատասխանատվություն կկրեր և նվազագույնը կհեռացվեր պաշտոնից: 

Ժաննա Շինարարի այս խայտառակ ձախողումը կամ ակադեմիական քաղաքի շինարարությամբ գերզբաղված լինելու, կամ, ինչպես իր ղեկավարն էր նշել, տգիտության արդյունք է: