Չներվեց հարբե՞լը, թե՞ 2026-ի իշխանափոխության բացահայտումը. ՔՊ-ականից վերցրին մանդատը

Քիչ առաք ՔՊ-ական պատգամավոր Վիլեն Գաբրիելյանը (առավել հայտնի որպես՝ Նավակ ճոճողը) հայտարարեց պագամավորական մանդատը վայր դնելու մասին։

Հիշեցնենք, որ մարտի 30-ին Գյումրիում ոչ սթափ վիճակում ՔՊ-ական պատգամավորն ընդհարվել էր լրագրողների հետ, իսկ լրագրողի դիտարկմանը, որ պետք է վայր դնի մանդատը, Վիլեն Գաբրիելյանն արձագանքել է․ «2026-ին իշխանությունը փոխվելու ա, էլ խի՞ եմ մանդատս վայր դնում»։
 

Շատերը համոզմունք հայտնեցին, որ Վիլեն Գաբրիելյանը ՔՊ-ականների «լյուբիմչիկն» է, նրան կներեն իր խմած վիճակը, հայհոյանքները, լրագրողների հետ ունեցած կոնֆլիկտը,  բայց ոչ երբեք՝ «2026-ին իշխանությունը փոխվելու ա, էլ խի՞ եմ մանդատս վայր դնում» արտահայտությունը։
 

Փաստացի, մանդատը վայր դնելու՝ Վիլեն Գաբրիելյանի հայտարարությամբ վերահաստատվեց, որ ՔՊ-ում իրենց երբեմնի «լյուբիմչիկին» իրոք չեն ներել։ Ստացվում է, որ Վիլեն Գաբրիելյանը խառնել է ՔՊ-ականների խաղաքարտերը՝ ի լուր աշխարհի հայտարարելով իշխանության մեծ գաղտնիքի մասին, այն է՝ 2026 թվականին Հայաստանում իշխանությունը փոխվելու է։

Թե որքանով է սա իրատեսական, մնում է սպասել և հուսալ։

Հերմինե Զեյնալյան