Մարտուն Գրիգորյանի հորը կալանավորելու հիմք չկա, վստահ եմ՝ ազատ կարձակվի, ծիծաղելի մեղադրանք է․ Սերգեյ Հարությունյան

«Մարտուն Գրիգորյանի հորը կալանավորելու հիմք չկա, վստահ եմ՝ ազատ կարձակվի, ծիծաղելի մեղադրանք է։ Այլևս զարմանլի չէ այս երկրում ոչինչ, ամեն ԱԺ նիստում վարչապետի պաշտոնը զբաղեցնող անձի դրսևորումներից հետո ամեն ինչ էլ հնարավոր է»,- այս մասին ասել է փաստաբան Սերգեյ Հարությունյանը։

Հիշեցնենք, որ երեկ առավոտից Գյումրու ավագանու արտահերթ ընտրություններին մասնակցող «Մայր Հայաստան», «Մեր Քաղաքը» ընդդիմադիր ուժերի նախընտրական շտաբներում, տներում, գրասենյակներում խուզարկություններ են, որոնց հաջորդեցին ձերբակալություններ։ Ձերբակալվել են «Մեր քաղաքը» դաշինքի կողմից Գյումրու քաղաքապետի թեկնածու առաջադրված Մարտուն Գրիգորյանի հայրն ու որդին, որոնց Գյումրիից տեղափոխել  են Երևան՝ հակակոռուպցիոն կոմիտե։ Ընտրություններին մասնակից ընդդիմադիր ուժերը տեղի ունեցածը որակում են քաղաքական հետապնդում, նախընտրական քարոզարշավի ընթացքում իրենց աշխատանքների խոչընդոտման փորձ։ Հետապնդման ենթարկվող թեկնածուներին իրենց աջակցությունն են հայտնել Կոմունիստական կուսակցության կողմից Գյումրու քաղաքապետի թեկնածու առաջադրված Վարդան Ղուկասյանը, «Իմ հզոր համայնք» կուսակցության կողմից առաջադրված Ռուբեն Մխիթարյանը, Գյումրու ավագանու ընտրությունների մասնակից «Դեմոկրտական այլընտրանք» կուսակցության նախագահ Սուրեն Սուրենյանցը։ 

Մանրամասն՝ տեսանյութում