Կալանքը երկարաձգելու որևէ հիմք չկա․ կարևորը՝ Գերասիմը մարտական է ու պինդ․ Սերգեյ Հարությունյան

Կալանքը երկարաձգելու որևէ հիմք չկա։ Դատական նիստից հետո ընդգծեց Գերասիմ Վարդանյանի պաշտպան Սերգեյ Հարությունյանը։

Մանրամասներ ներկայացնելով նիստից՝ փաստաբանը նշեց, որ խոսքի հնարավորություն է տրվել Գերասիմ Վարդանյանին, ինչպես նաև արրձագանքելու։ «Ինչպես միշտ մարտական էր, պատրաստ հաջորդիվ ազգանվեր պայքարի։ Գիտակցում էր,  թե ճնշումները որտեղից են գալիս։ Պատրաստ է հոգեպես ու ֆիզիկապես՝ շարունակելու մնալ անազատության մեջ հանուն իր գաղափարի։ Կարևորը, որ մարտական է ու պինդ» ,-հավելեց Հարությունյանը։

Դատարանը որոշումը հրապարակելու է վաղը՝ 14։00-ին։

Հիրշեցնենք, որ այս գործի շրջանակում Գերասիմ Վարդանյանին մեղադրանք է առաջադրվել Քր․ օրենսգրքի 236-րդ հոդվածի 2-րդ մասով։ Ավելի ստույգ, իշխանական կայքերում տարածվել էր մի ձայնագրություն, որում իբրև թե Գերասիմ Վարդանյանը հանձնարարություններ է տալիս ինչ-որ մեկին, թե ինչպես բաժանել հանրահավաքին մասնակցելու համար գումարները և այլն։ Մինչդեռ փաստաբանները պնդում են, որ փաստական որևէ տվյալ չկա, որով հաստատվի, թե Գերասիմ Վարդանյանը որևէ անձի, հանրահավաքի մասնակցելու համար, նյութապես շահագրգռել է։

Մանրամասն՝ տեսանյութում