ՌԴ ԶՈւ-ն ազատագրել է Լեբեդևկան՝ Կուրսկի մարզում և Նովենկոյեն՝ Սումիի մարզում. ՊՆ

Ռուսական զորքերն ազատագրել են Կուրսկի մարզի Լեբեդևկա գյուղը և Սումիի մարզի Նովենկոյե ավանը։ Այս մասին հայտնում է ՌԴ պաշտպանության նախարարությունը։

««Հյուսիս» զորքերի ստորաբաժանումները հարձակողական գործողությունների ընթացքում ազատագրել են Կուրսկի մարզի Լեբեդևկա գյուղը և Սումիի մարզի Նովենկոյե ավանը»,-ասված է հաղորդագրության մեջ:

Գերատեսչությունում տվյալներ են ներկայացրել նաև Կուրսկի ուղղությամբ հակառակորդի կորուստների մասին։ Այսպես, մեկ օրում Ուկրաինայի զինված ուժերը Կուրսկի սահմանին կորցրել են ավելի քան 350 զինվորական, վեցը գերի են հանձնվել։ Բացի այդ, ոչնչացվել է մեկ տանկ, երկու ՀՄՄ, հինգ զրահափոխադրիչ, 19 մարտական զրահապատ մեքենա, 29 ավտոմեքենա, դաշտային հրետանու վեց հրազեն, ականանետ, ռադիոէլեկտրոնային պայքարի կայան, Իսրայելի արտադրության RADA ռադիոլոկացիոն կայան, ապաշրջափակման ինժեներական մեքենա, ինչպես նաև ԱԹՍ-ի կառավարման 11 կետ և զինամթերքի պահեստ:

Ռուսաստանի պաշտպանության նախարարության տվյալներով, ընդհանուր առմամբ, Կուրսկի ուղղությամբ մարտական գործողությունների ընթացքում հակառակորդը կորցրել է ավելի քան 65 930 զինծառայող, 387 տանկ, 300 հետևակի մարտական մեքենա, 264 զրահամեքենա, 2163 մարտական զրահապատ մեքենա, 2370 մեքենա, 528 հրետանային զենք, համազարկային կրակի ռեակտիվ համակարգերի 52 արձակման կայանք, այդ թվում՝ ԱՄՆ արտադրության 13 HIMARS և 7 MLRS, զենիթահրթիռային համալիրների 25 արձակման կայանք, զենիթային ինքնագնաց կայաններ, տասը տրանսպորտային լիցքավորող կայան, 120 ՌԷՊ կայան, 15 հակահրթիռային ռադար, տասը ՀՕՊ ռադար, 54 միավոր ինժեներական և այլ տեխնիկա, այդ թվում՝ 22 ինժեներական ապաշրջափակման մեքենա, մեկ УР-77 ականազերծման կայանք, հինգ կամրջակայանք, ինժեներական հետախուզական մեքենա, ինչպես նաև 14 զրահապատ վերանորոգման ու տարհանման մեքենա և հրամանատարաշտաբային մեքենա: