Ուկրաինան համաձայնել է 30-օրյա հրադադարի մասին Միացյալ Նահանգների առաջարկին

Միացյալ Նահանգներն անհապաղ կվերացնի հետախուզության փոխանակման դադարը և կվերսկսի Ուկրաինային աջակցությունը անվտանգության ոլորտում, ըստ CNN-ի՝ ասված է ԱՄՆ-ի և Ուկրաինայի համատեղ հայտարարության մեջ՝ Սաուդյան Արաբիայի Ջիդդա քաղաքում անցկացված հանդիպման արդյունքներով:

«Կիևը միաժամանակ պատրաստակամություն է հայտնել ընդունելու Միացյալ Նահանգների առաջարկը՝ անհապաղ ժամանակավոր 30-օրյա զինադադար մտցնելու մասին, որը կարող է երկարաձգվել կողմերի փոխադարձ համաձայնությամբ և որը ենթակա է Ռուսաստանի Դաշնության կողմից ընդունման և միաժամանակյա իրականացման», - ասված է հայտարարության մեջ։ Միացյալ Նահանգները Ռուսաստանին կփոխանցի, որ ռուսական կողմի փոխադարձությունը խաղաղության հասնելու բանալին է»,- ասված է հայտարարության մեջ։

Սաուդյան Արաբիայի Ջիդդա քաղաքում երեքշաբթի տեղի է ունեցել ավելի քան ութ ժամ տևած հանդիպում Միացյալ Նահանգների և Ուկրաինայի ներկայացուցիչների միջև։