Ուկրաինայի զինուժը գիշերը գրոհել է Սամարայի մարզի ձեռնարկությունների վրա. ՌԴ ՊՆ

Ուկրաինայի զինուժը գիշերը փորձել է գրոհել ՌԴ–ի Սամարայի մարզում գտնվող ձեռնարկությունները։ Այս մասին հայտնում է ղեկավար Վյաչեսլավ Ֆեդորիշչևը։

«Այս գիշեր հակառակորդը ևս մեկ փորձ է կատարել մեր ձեռնարկությունների վրա հարձակվելու, այն անհաջող է անցել։ Նովոկույբիշևսկում 3 անօդաչու թռչող սարք է ոչնչացվել։ Հրդեհներ և վնասներ չեն եղել, ամեն ինչ նորմալ ռեժիմում է»,- ասվում է մարզպետի հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։