Եթե ​​ՀՀ-ն մինչև 2025-ի վերջը չվճարի ՀԱՊԿ բյուջեում իր ներդրումը, անդամ երկրները կարող են դիտարկել տարբեր սցենարներ. ՌԴ ԱԳՆ

«Եթե Հայաստանը մինչև 2025 թվականի վերջը չվճարի ՀԱՊԿ բյուջեում իր ներդրումը, ապա կազմակերպության անդամ երկրները կարող են դիտարկել տարբեր սցենարներ, բայց, հավանաբար, ոչ մեկին չեն հեռացնի»։ Ռիա նովոստիի փոխանցմամբ՝ ասել է ՌԴ փոխարտգործնախարար Ալեքսանդր Պանկինը։

«2026 թվականի հունվարի 1-ը դրությամբ կարող է ստեղծվել այնպիսի իրավիճակ, որ երկու տարի չվճարումներ արված չլինեն, երկրները կարող են դիտարկել տարբեր սցենարներ»,- ասել է Պանկինը։  Նրա խոսքով՝ «հավանաբար ոչ մեկին չեն հեռացնի» կազմակերպությունից։ Նա նշել է, որ արդեն եղել են դեպքեր, երբ այլ երկրներ պարտքեր են ունեցել տեխնիկական, ֆինանսական և այլ պատճառներով։