Լևոն Քոչարյանը հանդիպել է ուսանողների հետ

ՀՀ պետական կառավարման ակադեմիայի, Երեւանի պետական համալսարանի, ՀՀ Ազգային ակադեմիայի եւ Եվրոպական համալսարանի` խորհրդարանում փորձաշրջան անցնող ուսանողների հետ փետրվարի 26-ին հանդիպել է ԱԺ «Հայաստան» խմբակցության պատգամավոր Լեւոն Քոչարյանը:

Ողջունելով երիտասարդներին` պատգամավորը, մասնավորպես, նշել է` խորհրդարանը մի հարթակ է, որտեղ ընդդիմությունը կարողանում է բարձրաձայնել խնդիրները եւ արձագանքել մեր երկրում կատարվող իրադարձություններին:

Հանդիպումն անցել է հարցուպատասխանի ձեւաչափով: Լեւոն Քոչարյանը պատասխանել է ուսանողների տարաբնույթ հարցերին: Դրանցից որոշները վերաբերել են մեր երկրի ներքին եւ արտաքին քաղաքականությանը, ներքաղաքական խնդիրներին, Եվրամիության, Ամերիկայի Միացյալ Նահանգների եւ հարեւան երկրների հետ Հայաստանի հարաբերություններին, Հայաստանի պետական սահմանի սահմանազատման եւ սահմանագծման հարցին: