Մյունխենում ԵՄ առաջնորդների ելույթներն ագրեսիվ էին, հատկապես Ռուսաստանի նկատմամբ. Լավրով

ՌԴ ԱԳ նախարար Սերգեյ Լավրովը սերբ գործընկեր Մարկո Ջուրիչի հետ հանդիպման ժամանակ հայտարարել է, որ Մյունխենի անվտանգության համաժողովում ԵՄ առաջնորդների ելույթներն ագրեսիվ են եղել, հատկապես Ռուսաստանի նկատմամբ: Սակայն, ըստ նրա, տեղի ունեցածի վերաբերյալ նաև ավելի իրատեսական գնահատականներ են հնչել։

Լավրովն ափսոսանք է հայտնել, որ համաշխարհային և եվրոպական իրավիճակի վրա փորձում են ազդել այն ուժերը, որոնց ձեռնտու չէ պատմության ընթացքը և որոնք ձգտում են այն վերաշարադրել իրենց օգտին՝ միջազգային ասպարեզում հեգեմոնիայի հասնելով:

«Մենք հերթական անգամ դրանում համոզվեցինք Մյունխենի համաժողովում, որտեղ եվրոպացի առաջնորդները բացառիկ ագրեսիվությամբ էին հանդես գալիս, առաջին հերթին՝ իմ երկրի նկատմամբ»,-Լավրովի խոսքը մեջբերում է ՌԻԱ Նովոստին: