Պայթյուն Մարտունու Սուրբ Աստվածածին եկեղեցու հովվատանը. հոգևոր հովիվը վնասվածքներ է ստացել

Այսօր պայթյուն է տեղի ունեցել Մարտունու եկեղեցու հարևանությամբ, տուժել է քահանան։ Տեղեկությունը հայտնում է shamshyan.com-ը։

Կայքը գրում է, որ ժամը 14։00-ի սահմաններում ՀՀ ՆԳՆ ճգնաժամային կառավարման կենտրոն ահազանգ է ստացվել, որ Մարտունի քաղաքի Սուրբ Աստվածածին եկեղեցում պայթյուն է տեղի ունեցել, կա տուժած։

Դեպքի վայր մեկնած փրկարարները պարզել են, որ պայթյունը տեղի է ունեցել եկեղեցուն կից հովվատանը, վնասվել են հովվատան մուտքի դուռը, պատուհանի ապակին։

Պայթյունի հետևանքով վնասվածքներ է ստացել եկեղեցու հոգևոր հովիվ Տեր Հակոբ քահանա Բարսեղյանը և տեղափոխվել է «Մարտունի» բժշկական կենտրոն։

Դեպքի փաստով նախաձեռնվել է քրեական վարույթ։