Ալենսիմոնյանակերպները փորձում են նվաստացնել Արցախյան պայքարը, որ մի քանի հայրենավաճառ սրիկաներ ավելի ճոխ ապրեն. Սևակ Նազարյան

ՀՅԴ ՀԵՄ Կենտրոնական վարչության ներկայացուցիչ Սևակ Նազարյանը գրել է.

«44-օրյա պատերազմին նահատակված հերոսների թիվը` ովքեր եղել են Արցախից, շուրջ 1000 է, իսկ 2023-ի գոյապայքարի օրերինը` շուրջ 250:

Արցախի բնակչության համեմատ էս թիվը կազմում է Արցախի բնակչության գրեթե 1 տոկոսը:

Համեմատելու համար ասեմ, որ ըստ տարբեր հաշվարկների մղվող արյունալի պատերազմում զոհերի թիվը չի գերազանցում բնակչության կես տոկոսն անգամ:

Ալենսիմոնյանակերպները փորձում են նվաստացնել Արցախյան պայքարը, դրա հիմնական նպատակը հերոսականության երևույթի վերացումն է, տպավորություն ստեղծելը` իբր Արցախցին չի պայքարել:

Այս քաղաքականությունը տարվում է ոչ միայն Արցախցիների նկատմամբ, փաստ` այդպես էլ չհրապարակվեց 2022-ի սեպտեմբերյան երկօրյա պատերազմի զոհերի ցուցակը:

Սա արվում է` հայ մարդու համար հերոսություն երևույթը աղավաղելու համար, հերոսությունն այլևս հայրենիքի համար պայքարելը չպետք է լինի` այն էլ կյանքի գնով, այլ զուտ ռեժիմի ստրկատիրական հարկային բեռի տակ խելոք ու ծպտուն չհանելով պախատ անելը, որ մի քանի հայրենավաճառ սրիկաներ ավելի ճոխ ապրեն»: