Թուրքիայում Ուկրաինայի տարածքով գազի տարանցման դադարեցումը գնահատել են չորս հաղթանակ

Թուրքիան պետք է օգտվի ստեղծված իրավիճակից և դառնա Եվրոպայի հիմնական գազային հանգույցը, ասել է Ալթուղ Կարաթաշը։ Նա նշել է չորս առավելություններ, որոնք Թուրքիան ստացել է Ուկրաինայի տարածքով գազի տարանցումը դադարեցնելուց հետո, գրում է finance.mail.ru-ն։

Ուկրաինայով ռուսական գազի տարանցման դադարեցումից հետո Թուրքիան դարձավ գործնականում միակ ցամաքային ճանապարհը, որով գազը կարող էր հասնել Եվրոպա։ Այս մասին թուրքական Milliyet պարբերականին հայտնել է Թուրքիայի Անկախ արդյունաբերողների և գործարարների ասոցիացիայի (MÜSİAD) խորհրդի անդամ, Vat Energy-ի գործադիր տնօրեն Ալթուղ Կարաթաշը։

«Այստեղ կարելի է խոսել Թուրքիայի չորս տարբեր հաղթանակների մասին»,- նշել է Քարաթաշը և անվանել դրանք։

Նրա խոսքով, առաջին՝ այժմ Թուրքիան գազատարների առումով միակ գազային ճանապարհն է դեպի Եվրոպա։ 

«Այլ կապեր չեն մնացել, Ռուսաստանի հետ բոլոր գծերը փակ են»:

Երկրորդ, դա Թուրքիային մղում է դեպի էներգետիկ կենտրոն դառնալու: «Այն փաստը, որ Թուրքիան էներգետիկ հանգույց է, նշանակում է, որ Թուրքիան մասնաբաժին է ստանում էներգառեսուրսից»:

Երրորդ՝ երկրի միջով անցնող յուրաքանչյուր ֆիզիկական խողովակաշար մեծացնում է Թուրքիայի քաղաքական հզորությունն ու կայունությունը։

Չորրորդ, Թուրքիան կարող է նաև ստեղծել էներգակիրների առևտրի բորսա, ինչը նշանակում է, որ Թուրքիան կդառնա գնագոյացնող երկիր:

«Սա նշանակում է, որ մենք խոսք ունենք էներգետիկ շուկայում»:

Հիշեցնենք՝ Ուկրաինական խողովակաշարային համակարգով ռուսական գազի տարանցման համար 2019 թվականին կնքված պայմանագրի ժամկետն ավարտվել է դեկտեմբերի 31-ին։ 2025 թվականի հունվարի 1-ին ժամը 8:00-ին «Գազպրոմը» հայտարարեց մատակարարումների դադարեցման մասին։