Վրաստանն ավարտել է «Գազպրոմ»-ի հետ բանակցությունները ՀՀ գազի տարանցման վերաբերյալ

Վրաստանի էկոնոմիկայի և կայուն զարգացման նախարարության բանակցությունները «Գազպրոմ»-ի հետ Վրաստանի տարածքով Հայաստան գազի փոխադրման վերաբերյալ ավարտվել են: Այդ մասին մամուլի ասուլիսում հայտնել է Վրաստանի վարչապետ Մամուկա Բախտաձեն. տեղեկացնում է Спутник-Грузия-ն:

Վերջին անգամ Վրաստանը «Գազպրոմ»-ի հետ պայմանագիր է կնքել 2017-ի հունվարին, որի ժամկետը սպառվել է  2018-ի դեկտեմբերի 31-ին:

«Բանակցությունները փաստացի ավարտված են: Ցանկանում եմ հիշեցնել` ինչ սկզբունքներ է կարևորել բանակցությունների ժամանակ նախարարությունը: Առաջինը` մեր էներգակախվածությունը, իսկ երկրորդը`այդ պայմանագրում մեր դիրքերի բարելավումը: Բանակցություններն ավարտվել են` այդ սկզբունքները հաշվի առնելով»,- ասել է Բախտաձեն:

Նրա խոսքով`  պայմանագրի մանրամասները հայտնի կլինեն, երբ էկոնոմիկայի  նախարարությունը հայտարարությամբ հանդես գա: