Փեզեշքիանը կոչ է արել Սիրիայի բոլոր կողմերին երկխոսության միջոցով որոշել երկրի ճակատագիրը

Սիրիայի ժողովուրդն ինքը պետք է որոշի իր երկրի, նրա քաղաքական ու կառավարական համակարգի ճակատագիրը։ Այս մասին հայտարարել է Իրանի նախագահ Մասուդ Փեզեշքիանը, գրում է IRNA-ն։

Իրանի ղեկավարը նշել է, որ սիրիական հասարակության տարբեր շերտերի միջև երկխոսություն է պետք փոխըմբռնման հասնելու համար։ Նա հույս է հայտնել, որ ռազմական հակամարտությունն արագ կավարտվի, բռնությունը կդադարեցվի:

«Սիրիայի ժողովուրդը պետք է կարողանա հանգիստ մթնոլորտում, առանց արտաքին կործանարար միջամտության, որոշում կայացնի իր ճակատագրի վերաբերյալ», - ընդգծել է Փեզեշքիանը:

Հիշեցնենք՝ նոյեմբերի 27-ին «Ջեբհաթ ան Նուսրա»-ի զինյալները խախտել են հրադադարի մասին համաձայնագիրը և գրոհել Սիրիայի Հալեպ և Իդլիբ Նահանգների վրա: Սիրիական բանակին աջակցում են Ռուսաստանի օդատիեզերական ուժերը՝ հարվածներ հասցնելով ահաբեկիչների տեխնիկային, կառավարման կետերին, պահեստներին և հրետանային դիրքերին։ Նոյեմբերի 30-ին հայտնի դարձավ, որ թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը, իսկ Հալեպի գլխավոր հյուպատոսությունն ու Հայկական մարդասիրական առաքելությունը տարհանվել են։ Դեկտեմբերի 5-ի երեկոյան հայտնի դարձավ, որ հակակառավարական ուժերը գրավել են Սիրիայի կենտրոնական Համա քաղաքը, դեկտեմբերի 7-ի երեկոյան՝ Հոմսը, իսկ դեկտեմբերի 8-ի առավոտյան՝ մայրաքաղաք Դամասկոսը