Աբովյանի ծննդատան տնօրենը աշխատավարձերը չի տալիս, ասում է՝ հիվանդանոցը պարտքերի մեջ է. ահազանգ

«Առողջության իրավունք» իրավապաշտպան ՀԿ համանախագահ, առողջապահության հարցերով փորձագետ Անուշ Պողոսյանը գրում է. 

«2024 թվականի օգոստոս ամսին Կոտայքի մարզպետարանի ենթակայության «Աբովյանի ծննդատուն» ՊՓԲԸ-ի մի շարք աշխատակիցներ դիմել էին բողոքով առ այն, որ տնօրենը իրենց հասանելիք աշխատավաձները չի տրամադրում, ընտրողաբար աշխատակիցների տեղեկացնում է, որ հիվանդանոցը պարտքերի մեջ է և չի կարող տրամդրել աշխատավարձ։ 19․11․2024-ին «Առողջության իրավունք» ԻՀԿ գրություն էր ուղարկեղ ՀՀ կառավարություն՝ խնդրի պարզաբանման նպատակով։ Եվ այսպես՝ ՀՀ առողջապահական և աշխատանքի տեսչական մարմին/HLIB.amը վարույթի շրջանակներում պարզում է, որ 44 աշխատակիցներ չեն ստացել իրենց աշխատավարձը, որը վերականգնվել է ստուգումից հետո։

Այպիսով «Աբովյանի ծննդատուն» ՊՓԲԸ-ը հեթական 100 տոկոս պետական ենթակայության հիվանդանոցն է, որը խատում է աշխատակիցների իրավունքները, ՀՀ Կոտայքի մարզպետի աշխատակազմը և ՀՀ առողջապահության նախարարություն լռում են, խնդրիը բարձրացնում են հասարակական կազմակերպությունները, իսկ հիվանդանոցի տնօրենը ու իր «հավատարիմները» ծննդատան բոլոր խնդիրները թողած փորձում են գտնել «բողոքողին»․․․․․

Հ․Գ․ Մի փնտրեք, նրանք շատ են․․․․․»: