Արևմուտքը փորձում է ազդել Վրաստանում նախընտրական քարոզարշավի վրա. Պեսկով

«Ռուսաստանը տեսնում է Վրաստանի իշխանությունների վրա ճնշում գործադրելու և երկրում ընտրարշավի ընթացքի վրա ազդելու Արևմուտքի փորձերը», - լրագրողներին հայտնել է պետության ղեկավարի մամուլի քարտուղար Դմիտրի Պեսկովը, գրում է РИА Новости-ն։

«Ինչ վերաբերում է ընտրություններին, դա մեր գործը չէ։ Մենք տեսնում ենք արևմտյան երկրների բացահայտ փորձը՝ ճնշում գործադրելու Վրաստանի ներկայիս իշխանությունների վրա և ուղղակի, անթաքույց ազդեցություն ունենալ նախընտրական արշավի ընթացքի վրա»,- ասել է Պեսկովը։

Ավելի վաղ հայտնել էինք, որ Վրաստանի նախագահ Սալոմե Զուրաբիշվիլին կարծիք է հայտնել, թե երկիրն իբր ղեկավարում է «ռուսական կառավարությունը»։ Նա նաեւ մեղադրել է իշխող «Վրացական երազանք» կուսակցությանը հոկտեմբերի 26-ին նախատեսված խորհրդարանական ընտրությունները կեղծելու ցանկության մեջ: