Արմեն Աշոտյանին կտանեն իրենց մեքենայով. նրան տեսնել չեք կարողանա. պաշտպանները՝ լրագրողներին

«Արմեն Աշոտյանի գործով երեկվա որոշումը հրապարակելուց հետո դատարանը նաև պարզաբանումներ ներկայացրեց, այդ թվում՝ Աշոտյանի գործունեության շարունակման հետ կապված»,- լրագրողների հետ զրույցի ժամանակ ասաց փաստաբան Ռուբեն Մելիքյանը։

«Դատարանն ուղիղ հայտարարեց, որ Արմեն Աշոտյանը կարող է շարունակել, ինչպես մինչև այս էր անում, իր քաղաքական տեքստերը, հոդվածները հրապարակելը։ Եվ սկզբունքը կարծես թե այն էր, որ չպետք է պակասի այն փոքր ազատության նշույլները, որ այստեղ կային, օրինակ՝ դրանց մեջ էր մտնում պատգամավորների այցելությունը, ասաց՝ այո՛, պագամավորներն էլ կարող են այցելել»։
 

Նշենք, որ Արմեն Աշոտյանն ազատ արձակվեց «Նուբարաշեն» ՔԿՀ-ից, նրան դեպի տուն ուղեկցեցին մեքենայով, ինչով պայմանավորված լրագրողները հնարավորություն չունենցան տեսնել և հարցեր ուղղել Արմեն Աշոտյանին։
 

Հիշեցնենք, որ Արմեն Աշոտյանը կալանքի տակ էր 15 ամիս։ Դատարանը երեկ փոխել է նրա խափանման միջոց կալանքը՝ տնային կալանքով և գրավով՝ 25 մլն դրամի չափով։