Հայի ներկայությունն Արցախում և Հայաստանում պահպանելու ու անվտանգության և խաղաղության միակ ճանապարհը պայքարն է․ Աբրահամյան

ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը գրել է․

«Սեպտեմբերի 2-ն այս տարի ավելի շատ խորհելու, վերլուծելու, սառը դատողությամբ դիտարկելու խորհրդանշական օր է` հասկանալու, թե ինչպե՞ս և ո՞ւր պետք է շարժվել:

Ճանապարհը շատ բարդ է լինելու, փշոտ, փորձություններով, լարվածությամբ, ճնշումներով, թշնամական միջամտությամբ, սակայն հայի ներկայությունն Արցախում և Հայաստանում պահպանելու ու անվտանգության և խաղաղության միակ ճանապարհը պայքարն է:

Արցախցիների իրավունքների վերականգնումն ու նրանց` արժանապատիվ պայմաններով Արցախ վերադարձը, նաև Հայաստանի անվտանգության երաշխիքն է:

ՀԳ. Այսօր, առիթ ունեցանք մասնակցելու Արցախի Հանրապետության խորհրդարանի հատուկ նիստին, որն ի տարբերություն նախորդ` տոնական նիստերին, անցավ լրիվ այլ պայմաններում և առաջին անգամ, ցավոք, Հայաստանում»: