Ապաշրջափակումը պետք է տեղի ունենա ՀՀ ինքնիշխանության ներքո․ Իրանի դեսպան

«Ապաշրջափակման մասին մեր դիրքորոշումը շատ հստակ է` մենք կողմ ենք ապաշրջափակմանը, սակայն դա պետք է տեղի ունենա Հայաստանի ինքնիշխանության ներքո»,-լրագրողների հետ ճեպազրուցի ժամանակ ասաց ՀՀ-ում Իրանի դեսպան Մեհդի Սոբհանին։

«Եթե տեղի է ունենում ապաշրջափակում, բնական է, որ երթևեկությունը մեծանում է, բայց պետք է փոխադարձ համաձայնություն լինի այդ մասով։ Եթե փոխադարձ համաձայնություն կա, նշանակում է ավելի ենք մոտենում խաղաղությանը։ Սա տարածաշրջանի երկրների օգտին է»,– ասաց Սոբհանին։

Խոսելով Իրան-Իսրայել վերջին լարվածության մասին, դեսպանն ասաց․ «Մենք միշտ մեր թշնամիներին պատժել ենք, բայց խելամտորեն և ժամանակին»: 

Նա ընդգծեց, որ այս անգամ էլ կպատժվի, բայց սա կլինի ժամանակին և հաշվարկված։