Բուլղարիան «Գազպրոմի» դեմ ավելի քան 400 մլն եվրոյի հայց է ներկայացրել՝ գազի մատակարարման դադարեցման պատճառով

2024 թվականի հուլիսի 8-ին բուլղարական Bulgargaz ընկերությունը Փարիզի Առևտրի միջազգային պալատի արբիտրաժային դատարանում ռուսական Gazprom Export ընկերության դեմ արբիտրաժային վարույթ է սկսել, հայտնում է Bulgargaz-ի մամուլի ծառայությունը։

Ներկայացված հայցը վերաբերում է ավելի քան 400 միլիոն եվրոյի վնասներին, որոնք պատճառվել են ավելի քան երկու տարի առաջ՝ 2022 թվականի ապրիլի վերջին, բնական գազի մատակարարումների միակողմանի ընդհատման հետևանքով։

Ընկերության տվյալներով՝ 2024 թվականի մայիսի վերջին Bulgargaz-ը հրավեր է ուղարկել «Գազպրոմ Էքսպորտ»-ին՝ կամավոր կերպով լուծելու բուլղարական ընկերության պահանջը՝ երկու ընկերությունների միջև կնքված պայմանագրին համապատասխան:

«Քանի որ ռուսական կողմը ոչ մի քայլ չի ձեռնարկել հարցը արտադատական ​​կարգով լուծելու համար, Bulgargaz-ը ձեռնարկել է անհրաժեշտ քայլեր՝ ընկերության շահերը պաշտպանելու համար։ Միջազգային առևտրի պալատի արբիտրաժային դատարանը Փարիզում աշխարհի ամենահեղինակավոր հաստատություններից է, որը լուծում է միջազգային առևտրային վեճերը»,- ասված է ընկերության հաղորդագրության մեջ։