Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
ՀՀ ԱԺ «Քաղաքացիական պայմանագիր» խմբակցության պատգամավոր Հակոբ Ալսանյանի հետ ավտոբուսում կոնֆլիկտի մեջ մտած քաղաքացի Սամվել Վարդանյանի փաստաբան Ռուբեն Մելիքյանը բացարկ հայտնեց դատավոր Դավիթ Արղամանյանին։
Ապրիլի 15–ին համացանցում տարածվել էր տեսանյութ, որտեղ մի երիտասարդ Ասլանյանին նկարահանում է, անպարկեշտ արտահայտություններ հնչեցնում, որից հետո հրմշտոց է սկսվում։
Այսօր Երևանի առաջին ատյանի ընդհանուր իրավասության դատարանը քննարկում է ապացույցների թույլատրելիության հարցը։
«Դատավորին ներկայացնում եմ բացարկ, քանի որ ողջամիտ կասկած կա դատավորի անկողմնակալության մասով»,– նշեց Մելիքյանը։
Նա փաստական տվյալ ներկայացրեց իր վերոնշյալ միջնորդության մասով` մեղադրյալի նակտմամբ խափանման միջոցի կիրառման հարցը քննության առնելու որոշմամբ։
Փաստաբանն ընդգծեց, որ Սամվել Վարդանյանը չի ընդունում մեղադրանքը։ Նա նշեց, որ թեև փաստերը, որոնք տեսանյութում երևում են, չեն ժխտում, բայց Վարդանյանը և փաստաբաններն այն համոզման են, որ այդ փաստերը հանցակազմ չեն պարունակում։
Հիշեցնենք` ՀՀ քննչական կոմիտեում քրեական գործ է հարուցվել առերևույթ խուլիգանության հատկանիշներով։ Ըստ քննչականի՝ Սամվել Վարդանյանը հասարակական տրանսպորտում վիրավորական արտահայտություններ է արել, սպառնացել պատգամավոր Ասլանյանին, խախտել հասարակական կարգը, նաև քաղաքական ուժի նկատմամբ թշնամանք տարածող արտահայտություններ արել։
Ապրիլի 18-ին Վարդանյանի նկատմամբ կիրառվեց տնային կալանք և 7 մլն դրամ գրավ։ Հունիսի 7-ին դատարանը 3 ամսով երկարացրեց տնային կալանքի ժամկետը։