Պետք է մեր ուժերը հավաքենք, ազատվենք ներքին թշնամուց, ունենանք մեր նկարագրին հարիր՝ ազգային Հայաստան․ Տարոն Տոնոյան

«Մեր Առաջին հանրապետության հիմնադիր հայրերը մեզ մի մեծ դաս տվեցին, որ ցեղասպանված, սովի, համաճարակի պայմաններում կարելի է կռիվ տալ ու ունենալ հաղթանակ, արդյունքում էլ՝  հանրապետություն»,-լրագրողների հետ զրույցում ասաց ՀՅԴ Հայաստանի ԳՄ անդամ Տարոն Տոնոյանը։

«Պետք է մեր ուժերը հավաքենք, ազատվենք ներքին թշնամուց, ունենանք ներքին  համաձայնություն և համերաշխություն, որպեսզի ունենանք այն Հայաստանը, որն ունենք մեր սրտում՝ ազգային, մեր նկարագրին հարիր Հայաստան: Ամեն ինչ պետք է արվի դրա համար: Պետք է կարողանանք արժանի լինել այն մարդկանց, ովքեր իրենց կյանքը տվեցին հայրենիքի համար»,-նշեց Տարոն Տոնոյանը: