Մեղրիի համայնքապետ Բագրատ Զաքարյանը հրաժարական է տվել

Մեղրի համայնքի ղեկավար Բագրատ Զաքարյանը հայտարարել է հրաժարական ներկայացնելու մասին:

«Համաձայն «Հանրապետություն» կուսակցության և Ազատական կուսակցության Մեղրի խոշորացված համայնքի ընտրված ավագանու անդամների միջև 03․11․2021թվականին ստորագրված համագործակցության հուշագրի, ես՝ Մեղրի համայնքի ղեկավար Բագրատ Զաքարյանս, այսօր ներկայացում եմ ձեզ ու համայնքին իմ հրաժարականը և ըստ ընթացակարգի ավագանին պետք է ընտրի համայնքի նոր ղեկավար:

Իսկ մինչ այդ համաձայն «Տեղական ինքնակառավարման մասին» ՀՀ օրենքի՝ համայնքի ավագանու տարիքով ավագ անդամը պետք է ավագանու նիստ հրավիրի և վարի: Մեր դեպքում պարոն Խ․ Անդրեասյանը»,- նշել է Զաքարյանն իր հայտարարության մեջ։