Պեսկովը խոսել է ԵԱՏՄ-ին Հայաստանի մասնակցության հնարավոր կասեցման մասին

Եվրասիական տնտեսական միության (ԵԱՏՄ) բոլոր անդամ երկրների շահերից է բխում շարունակել զարգացումն այս ասոցիացիայի շրջանակներում, ասել է ՌԴ նախագահի մամուլի քարտուղար Դմիտրի Պեսկովը, գրում է Радио Sputnik-ը։

Նա այսպես է մեկնաբանել ԵԱՏՄ-ին Հայաստանի մասնակցության հնարավոր կասեցումը։

«Կարող եմ միայն մի բան արձանագրել. ընդհանուր առմամբ ինտեգրացիոն գործընթացն ինքնին շատ հաջող է ընթանում և արագ զարգացում է ապահովում մասնակից երկրների համար։ Եվ դա գիտեն մասնակից երկրները։ Եվ, իհարկե, երկրների ՀՆԱ-ի տարեկան աճի տեմպերում այս ինտեգրացիոն գործընթացի մասնաբաժինը շատ ու շատ նկատելի է»,- լրագրողներին ասել է Պեսկովը»։