Մենք պետք է համախմբվենք՝ մաքրվելու և հաղթելու համար․ Ռուսաստանի հայերի միության հայտարարությունը

Ռուսաստանի հայերի միությունն ի աջակցություն «Տավուշը հանուն հայրենիքի» շարժման հայտարարություն է տարածել․

«Ռուսաստանի հայերի միությունն իր անվերապահ աջակցությունն է հայտնում Հայաստանում ընթացող շարժմաը և կոչ է անում յուրաքանչյուր հայի՝ անկախ սոցիալական կարգավիճակից, կուսակցական պատկանելությունից և բնակության վայրից, միանալ Բագրատ Սրբազանի գլխավորած հայրենասիրական շարժմանը։

Մայիսի 9-ը մեզ համար առանձնահատուկ օր է՝ ոսկե տառերով գրված հայ ժողովրդի պատմության մեջ։ Սա ֆաշիզմի դեմ խորհրդային ժողովրդի մեծ հաղթանակի օրն է, որը Հայրենիքին տվեց Խորհրդային Միության չորս հայ մարշալ և նավատորմի մեկ ծովակալ, Խորհրդային Միության 106 հերոս։ Սա Շուշիի քաջարի գրավման օրն է. սա այն ուժն  է, որ նվաճել են մեր հայրերի ու պապերի, մեր քաջարի մարտիկների հերոսական ճակատագրով ու արյամբ՝ հիշողություն ու հպարտություն մեր ու մեր հայրենիքի համար, որը փորձում են խլել մեզնից 2018 թվականից՝ Փաշինյանի թիմի գալուց ի վեր։

Բարոյահոգեբանական ցեղասպանության ենթարկվելով, խորը դրամա ապրելով՝ մեր ժողովուրդը, այնուամենայնիվ, սկսում է գիտակցել, թե ինչ ցինիկ խաղերի, մանիպուլյացիաների ու խաբեության է վերածվել։ Սակայն մենք ունենք բոլոր ուժերն ու ռեսուրսները իրավիճակը փոխելու և ապացուցելու, որ ոչ ոք Փաշինյանին հակաժողովրդական և հակասահմանադրական գործողությունների մանդատ չի տվել՝ հանձնելու մեր հողերը, հրաժարվելու մեր հարուստ պատմությունից ու ավանդույթներից,հրաժարվել պաշտպանելուց սարսափից ու հայրենիքի վտարումից արցախցիներին, կիրանցիներին ու ոսկեպարցիներին, իսկ վաղը, թերևս, շիրակցիներին, ապարանցիներին ու երևանցիներին ։

1945-ի մայիսի 9-ին և 1992-ի մայիսի 9-ին մենք հաղթեցինք, քանի որ միասին էինք՝ միավորված ընդհանուր ճակատագրով և հայրենիքի հանդեպ սիրով։ Եվ հիմա՝ 2024 թվականի մայիսի 9-ին, մենք պետք է համախմբվենք՝ մաքրվելու և հաղթելու համար։

7 մայիսի, 2024 թ»։