17 05 2024
|
||
---|---|---|
EUR | ⚊ | 421.93 |
GBP | ⚊ | 491.67 |
GEL | ⚊ | 139.73 |
RUB | ⚊ | 4.27 |
USD | ⚊ | 388.09 |
Ոստիկաններն առավոտյան արգելել են ԱԺ «Հայաստան» խմբակցության պատգամավոր Գառնիկ Դանիելյանին ու Արթուր Սարգսյանին մուտք գործել Կիրանց: Նրանք նշել են, որ միայն գյուղացիների մուտքն է թույլատրվում: Կիրանց մտնելու համար ոստիկանները պահանջում են անձը հաստատող փաստաթուղթ։
«Սաղի դեմքերը ֆիքսեք: Ի՞նչ ա նշանակում ԱԺ պատգամավորի հետ չենք խոսում»,- բարկացած հարցրեց «Հայաստան» խմբակցության պատգամավորը՝ գյուղի մուտքի մոտ կանգնած իրավապահներին: «Հարգելիս, Դուք չեք ներկայացել, թե ով եք: Ես Ձեզ առաջին անգամ եմ տեսնում»,- պատասխանեց ոստիկաններից մեկը:
«Դուք լավ էլ գիտեք, թե ես ով եմ ու ես նաև ներկայացել եմ: Դուք ինձ լավ էլ գիտեք, բոլորդ էլ ճանաչում եք: Հերիք ա երեսպաշտությամբ զբաղվեք: Ոչ ոք իրավունք չունի մեր ազատ տեղաշարժի իրավունքը խոչընդոտ»,- հայտարարեց օրեր շարունակ Տավուշի սահմանամերձ գյուղերում ակցիաների մասնակցող պատգամավորը: