Կիրանց գյուղի մուտքը շարունակում է փակ մնալ

Կիրանց գյուղի մուտքը երեկվանից հսկում են ոստիկանները։ Այն շարունակում է փակ մնալ քաղաքացիների համար։

Ոստիկանները թույլ են տալիս մուտք գործել միայն կիրանցեցիներին։

Aysor.am-ի թղթակցի հետ զրույցում բնակիչներից մեկն ասաց, որ երեկվանից ոչինչ չի փոխվել, ոստիկանները թույլ չեն տալիս գյուղ այցելել ցանկացողներին մտնել Կիրանց։

Հիշեցնենք՝ երեկ վաղ առավոտյան ոստիկանները փակել են գյուղի մուտքը, այդ թվում՝ այլընտրանքային մուտեքրը։ Նրանք կիրանցեցիներից բացի, այլ մարդկանց թույլ չեն տալիս մտնել գյուղ, այդ թվում նաև ԱԺ պատգամավորներին և Տավուշի թեմի առաջնորդ Բագրատ Սրբազանին։

Նշենք, որ ԱԺ պատգամավոր Գառնիկ Դանիելյանը հայտարարել է, թե պայքարն ավելի վճռական փուլ է մտնում և այսօր կներկայացնեն իրենց քայլերը։