22 05 2024
|
||
---|---|---|
EUR | ⚊ | 421.9 |
GBP | ⚊ | 493.69 |
GEL | ⚊ | 142.6 |
RUB | ⚊ | 4.29 |
USD | ⚊ | 388.24 |
Հասարակական կազմակերպությունների, քաղաքական կուսակցությունների և երիտասարդական կազմակերպությունների ներկայացուցիչները Թբիլիսիում խորհրդարանի մոտ հանրահավաք են անցկացնում՝ օտարերկրյա գործակալների մասին օրինագծի քննարկմանը զուգահեռ։ Այդ մասին տեղեկացնում է «ТАСС»-ը։
Ռուսթավելի պողոտայում, որտեղ գտնվում է խորհրդարանը, տեղադրվել է բեմ, որի վրա ելույթ կունենան բանախոսները և հանդես կգան քաղաքական հայտարարություններով։ Մարդիկ կանգնած են դրոշներով և պաստառներով։ Նրանք հերթական անգամ բողոքում են քննարկվող օրենքի դեմ։ Ռուսթավելի պողոտան արգելափակված է։
Դրան զուգահեռ, խորհրդարանի լիագումար նիստում երկրորդ ընթերցմամբ քննարկվում է օտարերկրյա գործակալների վերաբերյալ նախաձեռնությունը։ Պատգամավորները հոդված առ հոդված քննարկում են օրինագիծը։ Թեժ բանավեճեր են ընթանում խորհրդարանական մեծամասնության և ընդդիմության ներկայացուցիչների միջև։ Ինչպես ավելի վաղ հայտարարել էր խորհրդարանի նախագահ Շալվա Պապուաշվիլին, օրինագծի քննարկումը կարող է չավարտվել մեկ օրում, ուստի հարցը կարող է հետաձգվել հաջորդ օրը։