կարևոր
6379 դիտում, 4 շաբաթ առաջ - 2024-04-18 12:54
Քաղաքական

Նույնիսկ ՔՊ-ական խմբակի անդամները չգիտեն, թե ինչ է կատարվում Փաշինյանի գլխում․ Մհեր Մելքոնյան

Նույնիսկ ՔՊ-ական խմբակի անդամները չգիտեն, թե ինչ է կատարվում Փաշինյանի գլխում․ Մհեր Մելքոնյան

Հայաստանի Հանրապետության իբր վարչապետ ներկայացող անձնավորության մտքերն ու գործողությունները միշտ հակասական են և անտրամաբանական։ Այս մասին գրել է ՀՀ ԱԺ  «Հայաստան» խմբակցության պատգամավոր, ՀՅԴ Շիրակի Մարզային կոմիտեի ներկայացուցիչ Մհեր Մելքոնյանը:

«Կարծում եմ ոչ ոք, նույնիսկ իր ՔՊ-ական խմբակի անդամները չգիտեն, թե նրա գլխում ինչ է կատարվում։ Հնարավոր է հիմնական պատճառն այն է, որ այդ մտքերը նրան թելադրվում են ինչ-որ անձանց կամ պետությունների կողմից։

Նիկոլ Փաշինյանը մեկ հայտարարում է, որ հայերը թուրքերին չպիտի ընկալեն որպես թշնամի, մեկ հայտարարում է, որ պետք է մոռանանք պատմական Հայաստանը, մեկ հայտարարում է, մեր Հայրենիքի որոշ հատվածների դժգույն և դժբախտ լինելու մասին, մեկ հայտարարում է, որ պատրաստ է առևտուր անել և զարգացնել տնտեսական կապերը Թուրքիայի հետ` անտեսելով հայերիս համար շատ կարևոր սկզբունքներ։

Վաղը կարող է մեկ այլ ուրիշ աբսուրդային միտք ծագել նրա գլխում, որը հաստատ կհակասի նախորդ բոլոր մտքերին։

Եվ նորից ու նորից կստացվի անհեթեթ մի իրավիճակ։

Մեր հայրենակիցներից շատերի մոտ վաղուց հարց է առաջացել` այս ամենի արդյունքում ո՞ւր է գլորվում Հայաստանի Հանրապետությունը։

Դժվար է ասել, բայց սրանց «թեթև» ձեռքով շատ արագ մոտենում է անվերադարձի կետին»։