կարևոր
1942 դիտում, 4 շաբաթ առաջ - 2024-04-18 12:28
Քաղաքական

ԱԺ «Հայաստան» խմբակցության պատգամավորները հանդիպում են ունեցել վանաձորցիների հետ

Ապրիլի 17-ին Վանաձորում քաղաքացիների հետ հանդիպել են «Հայաստան» խմբակցության պատգամավորները։ Պատգամավորների խմբում են եղել ՀՅԴ Հայաստանի ԳՄ ներկայացուցիչ Իշխան Սաղաթելյանը, ՀՅԴ Հայաստանի ԳՄ նախագահ Աշոտ Սիմոնյանը, Արմենուհի Կյուրեղյանը, Լևոն Քոչարյանը, Աննա Գրիգորյանը և Էլինար Վարդանյանը։ Նրանք ներկայացրել են արտաքին ու ներքին մարտահրավերները, դրանք հաղթահարելու միջոցներն ու հետագա անելիքները, լսել քաղաքացիների մտահոգություններն ու առաջարկությունները:

Իշխան Սաղաթելյանը ընդգծել է՝ երկրում առկա տարատեսակ խնդիրները՝ անվտանգայինից մինչև սոցիալ-տնտեսական, Արցախ վերադարձի հարց ու ռազմագերիներ, չե՛ն լուծվելու, քանի դեռ սրանք կան ու հավելել, որ կազմակերպելու են մարդկանց տարբեր քաղաքներում մինչև գնահատեն, որ բավարար ուժ ունեն և ճիշտ պահն է՝ դուրս գալու իշխայափոխության համար, դա անելու են։