02 05 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
«Լիազոր մարմինը՝ սահմանազատման և սահմանագծման հանձնաժողովը, որոշում չունի՝ Տավուշի գյուղեր, գյուղերից տարածքներ հանձնելու վերաբերյալ։ Այսինքն՝ այս որոշումը կայացվել է ոչ թե լիազոր մարմնի կողմից, որի հիմքում կան սկզբունքներ, քարտեզներ, այլ՝ կայացվել է այլ օղակում»,- խորհրդարանական ճեպազրույցների ընթացքում ասաց «Հայաստան» խմբակցության պատգամավոր Աննա Գրիգորյանը։
«Նոյեմբերի 9-ի հայտարարության նախնական տարբերակում եղել է հիշատակում՝ այդ տարածքների հանձնման վերաբերյալ, հետագայում վերջնական տարբերակում՝ այդ հատվածը դուրս է բերվել։ Այնուհետև տեսել ենք, որ Ոսկեպարում, օրինակ, ռուսական բազայի կառուցում է եղել։ Չի հայտնվել Վայքում, այլ վայրում, հայտնվել է Ոսկեպարում։ Այսինքն՝ կարող ենք պնդել, որ նոյեմբերի 9-ին եղել է պայմանավորվածություն, համաձայնություն՝ տեքստից այդ դրույթը հանելու և հետագայում դա իրականացնելու, ռուսական ներկայությունն էլ հետագայում պետք է որոշակի ստաբիլիզացնող դեր կատարեր՝ ըստ պայմանավորվածությունների»,-նշեց Գրիգորյանը՝ ընդգծելով, որ լիազոր մարմինը չունի որևէ որոշում՝ որևէ տարածքների հանձնման մասով, որովհետև սահմանազատումը և սահմանագծումը ենթադրում է որպես հիմք ունենալ որոշակի սկզբունք։
«Հայաստանը չի ստանում ոչինչ, չի ստանում տարածքների վերադարձ։ Սա Հայաստանի կողմից միակողմանի զիջում է և վերջ»,-ասաց Աննա Գրիգորյանը։